उन्नत लोकतन्त्रको अभ्यास गरिरहेका विश्वका देशहरुमा हेरौं, नेताहरु भरसक एकपटक, धेरैमा दोस्रो पटकभन्दा धेरै नेतृत्व गर्ने, कुर्सीमा झुण्डिएर बस्ने र सत्तामा भाग खोजिरहने प्रवृत्ति बिरलै भेटिन्छन् । उदाहरणका लागि अमेरिकी राष्ट्रपति बाराक ओबामा राष्ट्रपति पदबाट निस्किने बित्तिकै आफ्नो व्यक्तिगत जीवनमा गएर कुनै राजनीतिक हस्तक्षेप र भाग खोजेको खबर सुनिन्न । अझ त्यस अघिका जर्ज बुसको त झन् नाम नै सुन्नमा आउँदैन । यस्तै प्रसङ्ग बेलायती प्रधानमन्त्री डेभिड क्यामरुनको लिन सकिन्छ । उनी प्रधानमन्त्री पदबाट नैतिकताको आधारमा ब्रेक्जिट जनमतसँगै मार्गप्रशस्त गरेर आफ्नो व्यक्तिगत जीवनमा लागे । उनले कहिल्यै आफ्नो भाग पार्टीमा खोजेको समाचार सुन्न पाइन्न ।
